Petropavlda úsh birdeı jylý magıstrali salynyp jatyr
«Sevkazenergo» AQ baspasóz qyzmetiniń aqparaty boıynsha, «Petropavl jylý jelileri» kásipory besjyldyq baǵdarlamany júzege asyrýdy jalǵastyrýda. Atap aıtqanda, Eýropalyq qaıta qurý jáne damý bankiniń nesıesi jáne Qazaqstan Respýblıkasy Ulttyq ekonomıka mınıstrliginiń sýbsıdııalandyrýy esebinen bıyl Petropavl qalasynda eki jylý jelisi jóndeldi.
«Petropavl jylý jelileri» JShS bas dırektory Igor Rybastyń aıtýynsha, qazir kásiporyn qýyp jetýshi rólinde. Qazaqstan Respýblıkasynyń zańnamasyna engizilgen ózgeristerge sáıkes, 2014 jyly uzaq merzimdi kezeńge sýbektilerdi aýystyrýyna baılanysty «Petropavl jylý jelileri» JShS-nyń orta merzimdi tarıfterdi qalyptastyrý týraly ótinishi qabyldanbady. Alynǵan jylý qarajaty jylý jelilerin aýystyrý boıynsha aýqymdy jumystar júrgizýge jetkiliksiz boldy», - dedi Igor Rybas.
2016 jyly kompanııa Eýropalyq qaıta qurý jáne damý bankimen jáne Qazaqstan Respýblıkasy Ulttyq ekonomıka mınıstrligimen úshjaqty kelisim jasasty, bul sońǵy eki jylda negizgi jylý jelilerin tolyq kólemde qaıta qurýǵa múmkindik berdi.