Petropavlda turǵyn úı órtenip, eki adam mert boldy
Soltústik Qazaqstan oblysy tótenshe jaǵdaılar departamentiniń málimetinshe, órt tańǵy saǵat 5.00 shamasynda Petropavldaǵy Sennaıa,3 meken jaıyndaǵy jeke turǵyn úıde shyqqan. Qala turǵyndary habarlasyp, baspananyń terezesi men esikterinen qoıý tútin shyǵyp jatqanyn aıtqan.
«Oqıǵa ornyna Petropavldaǵy №3, №5 órt sóndirý bóliminiń qyzmetkerleri men tehnıkasy jáne órt sóndirýdiń kezekshi aýysymy – jeke quramnan 14 adam men 4 arnaıy tehnıka jetti. Mamandar barǵansha ótip bara jatqandar toqtap, órtti sóndirmek bolǵan.
Úıdiń kire berisinde 1969 jyly týǵan áıeldiń, al 10 mınýttan keıin kúıik alǵan er adamnyń denesi tabyldy.
Órt saǵat 5.33 mınýt ketkende aýyzdyqtaldy», - dedi brıfıngte SQO TJD órt sóndirý jáne avarııalyq-qutqarý qyzmetiniń bólim bastyǵy Ádil Spaen.
Aıta keterligi, turǵyn úı bıyl Bereke yqsham aýdanynda mamyr aıynda janyp ketken 9 úıdiń janynda ornalasqan. Esterińizge salaıyq, sol joly qamys janyp, arty úlken órtke ulasqan edi.