Petropavlda tórt saǵat ishinde sýmen qamtý qalpyna kelmek

<p>PETROPAVL. KAZINFORM &ndash; Petropavlda birneshe saǵatqa sý berýdiń toqtatylýyna temirbeton baǵandardyń zaqymdanýy sebep bolǵan. Qazirgi ýaqytta oqıǵa ornynda apattyq-qalpyna keltirý brıgadalary jumys istep jatyr.</p>

Petropavl ákimi oblys ortalyǵyn sýmen qamtý 4 saǵattyń ishinde qalpyna keletinin jetkizdi.

«Keshe túnde Petropavlǵa mol kólemde sý keldi. Prıbrejnoe eldi mekeninde ornalasqan birinshi kótergish sorǵy stantsııasyn elektr qýatymen qamtıtyn tórt táýelsiz elektr jelisi baǵandaryn sýmen kelgen muz zaqymdady. Osyǵan baılanysty qalaǵa sý berý shektelgen. Elektrmen qamtýshy kompanııanyń apattyq brıgadasy sol jerde jumys istep jatyr. Jumysty 4 saǵat ishinde aıaqtaý josparlanǵan. Sabyrlyq tanytyńyzdar. Tek resmı derekkózderge senińizder», - dedi Petropavl ákimi Serik Muhamedıev áleýmettik jelidegi resmı paraqshasynda.

Buǵan deıin Petropavlda sý berýdiń toqtap qalǵanyn aıtqan edik.