Petropavlda tórt aılyq tastandy sábı oblystyq aýrýhanaǵa jetkizildi

PETROPAVL. QazAqparat – Petropavlda tastandy 4 aılyq qyzdy polıtsııa qyzmetkeri oblystyq kópsalaly balalar aýrýhanasyna tapsyrdy, dep habarlaıdy QazAqparat tilshisi.

Áleýmettik jelide Soltústik Qazaqstan oblystyq kópsalaly balalar aýrýhanasynda paıda bolǵan tastandy bala jaıynda beınejazba tarady. Avtordyń aıtýynsha, bireýler sábıdi emdeý mekemesiniń esigi aldyna tastap ketken. Alaıda, bul aqparat jartylaı jalǵan bolyp shyqty.

SQO kópsalaly balalar aýrýhanasynyń ákimshiligi beınejazbaǵa qatysty túsinik berdi.

«15 qarasha kúni saǵat 16:30 shamasynda polıtsııa qyzmetkeri 4 aılyq qyz balany jetkizip, tıisti akt boıynsha tapsyrdy. Qazirgi ýaqytta bala tekserilip, baqylaýǵa alynǵan. Aýrýhana ákimshiligi búgin balanyń aldaǵy zańdy taǵdyryn anyqtaý úshin Petropavl qalalyq bilim bólimi janyndaǵy qorǵanshy jáne qamqorshy organǵa suraý jiberdi», - delingen habarlamada.

Aýrýhana qyzmetkerleri turǵyndardan qaıyrymdylyq maqsatynda eshqandaı aqsha da, zat ta jınaýdyń qajet emes ekenin aıtty.

«Bizdiń bólimshelerde em alyp jatqan syrqattarymyz qajettiniń barlyǵymen tolyq qamtylǵan. Balany da tıisti tamaq jáne kútimmen qamtydyq. Sondaı-aq, QR zańyna sáıkes shyndyqqa janaspaıtyn aqparatty jarııalaǵany úshin jáne balanyń beınesin onyń zańdy ókiliniń jáne kámelet jasyna tolmaǵandardyń isi jónindegi ınspektorlardyń ruqsatynsyz kórsetkeni úshin jaýapkershilik qarastyrylǵanyn eske salamyz. Óıtkeni, bul balanyń zańdy taǵdyry áli anyqtalǵan joq», - dep eskertti aýrýhana qyzmetkerleri.