Petropavlda toǵyzqumalaqtan respýblıkalyq chempıonat ótip jatyr
Soltústik Qazaqstan oblysynda tuńǵysh ret toǵyzqumalaqtan jasóspirimder men jastar arasynda respýblıkalyq chempıonat bastaldy. Elimizdiń 13 oblysynan jáne Astana, Almaty, Shymkent qalalarynan 245 sportshy qatysyp jatyr. Barlyǵy 16 komanda, 21 jasqa deıingiler top-topqa bólinip, jeti jas sanaty boıynsha úzdikter anyqtalmaq.
«Sońǵy jyldary SQO-da ulttyq oıyndar qarqyndy damyp keledi. Jetistikter bar. Toǵyzqumalaq oıynynan ár mektepte úıirme jumys isteıdi. Qazan aıynda oblystyq chempıonat ótti. Іrikteý dodasyna buryn 30-40 adam ǵana qatyssa, bıyl 200-den asyp ketti.
Adamdyq qasıet – oıdyń ushqyrlyǵyn, sanany damytatyn bul oıyn ata-babamyzdan kele jatyr. Respýblıkalyq chempıonattyń bizde uıymdastyrylýy sporttyń osy túriniń óńirde odan ári damýyna úlken sep», - deıdi SQO boıynsha toǵyzqumalaq federatsııasynyń prezıdenti Jomart Omarov.
Bul jarys arqyly álemdik dodalarda óner kórsetetin sportshylar anyqtalmaq.
«Almaty oblysynan 17 oqýshy kelip otyr. Olardyń barlyǵy birinshi oryn ıegerleri, ıaǵnı kileń myqtylar. Petropavlǵa alǵash kelip otyrmyz. Chempıonat joǵary deńgeıde ótip jatyr, qarsylastarymyzǵa sáttilik tileımiz.
Toǵyzqumalaq búginde álemge tanymal. Bıyl oqýshylar arasynda alǵash ret Álem chempıonaty, Mońǵolııada Azııa chempıonaty ótti. Sol jarystarda bizdiń Almaty oblysynyń sportshylary óte jaqsy kórsetkishke qol jetkizdi», - deıdi Almaty oblysynyń ókili, ardager sportshy Gúlsim Musaeva.
Toǵyzqumalaqtan respýblıkalyq chempıonat Petropavlda 13-19 qarasha aralyǵynda ótedi.