Petropavlda tasqynnan zardap shekkenderge arnalǵan aýdanda balabaqsha qurylysy bastaldy

<p>PETROPAVL. KAZINFORM &ndash; Petropavldaǵy &laquo;Solnechnyı-2&raquo; shaǵyn aýdanynda jańadan boı kóteretin balabaqshanyń qurylysy bastaldy.&nbsp;</p>

90 oryndyq mektepke deıingi bilim berý mekemesin «Mıras Group» JShS salyp jatyr. Aıta keteıik, bul shaǵyn aýdanda tasqynnan zardap shekkenderge beriletin baspanalar turǵyzylýda. 

«Balabaqsha ınvestorlardyń qarajatyna salynady. Joba quny – 500 mln teńge. Jańa balabaqsha jospar boıynsha 1 qyrkúıekke deıin paıdalanýǵa berilýi tıis», - deıdi Soltústik Qazaqstan oblystyq qurylys, sáýlet jáne qala qurylysy basqarmasynyń baspasóz hatshysy Maıgúl Elemesova. 

Qazirgi kezde «Solnechnyı-2» shaǵyn aýdanynda qurylys jumystary jandanǵan. Munda 700 baspana boı kóterýi tıis. 

«200 úıdiń qurylysyna «Qazaqstan halqyna» qoǵamdyq qory 5 mlrd teńgege jýyq qarjy bóldi. 300 baspana «Qazaqmys» kompanııasynyń, 100 úı Kaspi Bank, 20 úı YDA Group túrik kompanııasy jáne 80 úı ınvestorlar esebinen salynyp jatyr», - deıdi Maıgúl Elemesova. 

Buǵan deıin Petropavl turǵyny 20 jyldan beri joq kólikke salyq tóleýge májbúr ekenin aıtqan edik.