Petropavlda tasqynnan zaqym kelgen sorǵy stansasy 4 metrlik gabıonmen nyǵaıtylyp jatyr

<p>PETROPAVL. KAZINFORM &ndash; Petropavldaǵy kóktemde sý tasqyny kezinde zaqymdanǵan birinshi qosalqy sorǵy stantsııasy tolyq qaıtadan jańǵyrtyldy. Búgingi tańda sorǵy stantsııasynyń ǵımaraty boıynsha jalpy qurylys jumystary aıaqtaldy.</p>

«Qyzyljar sý» JShS dırektory Jeńis Sultanovtyń aıtýynsha, áli de atqarylar jumys az emes. Jeltoqsannyń birinshi onkúndiginde bekitý armatýrasynyń sorǵy agregattaryn jetkizý josparlanǵan. 

«Bizdiń óńirde alǵash ret nyǵaıtý jumystaryna gabıon qoldanylyp jatyr. Strategııalyq nysandy qorǵaıtyn bógettiń bıiktigi 4 metr bolady. Qazir nyǵaıtý jumystary júrgizilý ústinde.

Rezervtik jer asty kabelderin tóseý jumystary aıaqtaldy. 800 kVt dızel generatory ornatylady. Nátıjesinde bul - zamanaýı sorǵy agregattary men bıiktigi 4 metr qorǵanys bógeti bar múldem jańa sorǵy stansasy bolady», - deıdi Jeńis Sultanov.

Barlyq jumysty merdiger kompanııalar – «Stoýnhedj Kontrakshn» JShS jáne «Býka» JShS atqaryp jatyr. 

Esterińizge salaıyq, kóktemgi tasqyn kezinde Petropavldy sýmen qamtyp turǵan kásiporynnyń sorǵy stansasyn sý shaıyp ketti. Tasqynmen kelgen muz birinshi kótergish stansasyna qýat beretin elektr jelisiniń baǵandaryn qulatyp, qala sýsyz qaldy. 

Máseleni sheshý úshin balama sý kózderin izdeýge týra keldi. 

Petropavlda jergilikti bılik balama sý kózin qosyp, turǵyndardy sýmen qamtý máselesin eki kún ishinde sheshti.