Petropavlda tasqynda zaqym kelgen sý sorǵy stansasy jóndelip jatyr

<p>PETROPAVL. KAZINFORM &mdash; Petropavlda tasqyn kezinde zaqymdanǵan birinshi kótergish sorǵy stansasy jónge keltirilip jatyr. Sondaı-aq oblys ortalyǵynda balama sorǵy stantsııasyn salý josparlanǵan.</p>

Soltústik Qazaqstan oblysynyń ákimi Ǵaýez Nurmuhambetov bul týraly áleýmettik jelidegi paraqshasynda jazdy.

Óńir basshysynyń aıtýynsha, jańǵyrtý jumysy Kazminerals kompanııasynyń qarjysyna júrgizilip, sorǵy qondyrǵysy aýystyrylady. 

Foto: SQO ákimdigi

«Jergilikti bıýdjetten sorǵy stansasyn úzdiksiz elektr qýatymen qamtamasyz etý úshin uzyndyǵy 3,5 shaqyrym jer asty kabel jelisi tartylady. Sonymen qatar, stantsııa aınalasyndaǵy bóget te nyǵaıtylmaq. Bıylǵy sý tasqyny qosymsha sý jelisiniń qajettiligin kórsetti. Oıqaladaǵy sorǵy stansasyn qalpyna keltirý jóninde sheshim qabyldandy. Onda sorǵy stansasy salynbaq, qazir jobalyq-smetalyq qujattama ázirlenip jatyr. Bıylǵy sý tasqyny kezindegideı Petropavl ýaqytsha negizgi sý qubyrynsyz qalsa, rezervtik stansa balama retinde turǵyndardy aýyz sýmen qamtamasyz etedi», — dedi Ǵaýez Nurmuhambetov.

Buǵan deıin tasqyn kezinde baspanasynan aıyrylǵan taǵy 31 otbasy jańa úıge kirgenin jazǵan edik.  

Foto: SQO ákimdigi