Petropavlda sýǵa ketken 10 jasar balanyń denesi segiz kúnnen keıin tabyldy

<p>PETROPAVL. KAZINFORM — Petropavlda Esil ózenine shomylýǵa baryp, batyp ketken 10 jasar balanyń denesi qala mańyndaǵy eldi mekenderdiń biriniń janynan tabyldy.</p>

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, sýǵa ketken balanyń denesin izdeýge búgin tańǵy saǵat 8.30-dan kete 12 qutqarýshy, eki arnaıy tehnıka, ushqyshsyz basqarylatyn ushatyn apparat jáne eriktiler shyqqan.

Saǵat 16.00 shamasynda 2014 jyly týǵan Saımýhıddınovtyń denesi Petropavldan shamamen 20 shaqyrym jerden, Sokolovka eldi mekeni mańynan tabylyp, sýdan shyǵaryldy.

Foto: SQO TJD baspasóz qyzmeti

Qazirgi ýaqytta oqıǵanyń mán-jaıy anyqtalyp jatyr. 

Máıit sot-medıtsınalyq saraptamaǵa jiberildi. 

Esterińizge salaıyq, 14 maýsym kúni 10 jasar bala dostarymen birge Petropavldyń Zaısan shaǵyn aýdany janynda Esilge shomylýǵa túsken.

Oıyn qyzyǵymen jasóspirim bir sát ıirimge túsip, batyp ketken.  

SQO-da sýǵa shomylý maýsymy bastalǵaly úsh jasóspirim sýǵa ketti.