Petropavlda sýdan zardap shekkenderge alǵashqy 7 páter alyndy

<p>PETROPAVL. KAZINFORM — Soltústik Qazaqstan oblysyna Eńbek jáne halyqty áleýmettik qorǵaý mınıstri Svetlana Jaqypova keldi. Búgin óńir basshysy Ǵaýez Nurmuhambetovpen birge sýdan zardap shekken otbasyǵa alynǵan páterge baryp, jańa qonyspen quttyqtady.</p>

Foto: SQO ákimdigi

SQO ákimi baspasóz qyzmetiniń málimetinshe, Petropavlda sý tasqynynan zardap shekkenderge alǵashqy 7 páter satyp alyndy.

Onyń bireýi buryn Kosogorda turǵan Valerıı jáne Lıýdmıla Belenkonyń otbasysyna buıyrdy. 

Foto: SQO ákimdigi

Aıtyp ótken jón, páterdi adamdar ózderi tańdaıdy.

Baspana baǵalaý jumystary men komıssııanyń úıdi qalpyna keltirý múmkin emes degen qorytyndysyna baılanysty berilip otyrmaq. 

Mınıstr Svetlana Jaqypova Oıqaladaǵy qalpyna keltirý jónindegi shtabta bolyp, Solnechnyı 2 yqsham aýdanynda salynyp jatqan úıler qurylysynyń barysymen tanysty.

Foto: SQO ákimdigi

Jańa jataqhanada zardap shekkendermen jáne «Qyzyljar sý» qyzmetkerlerimen kezdesý ótkizdi.

Oǵan qosa, gýmanıtarlyq kómekti qabyldaý pýnktinde bolyp, eriktilermen kezdesip, shyǵyndy óteý týraly aryzdardy Egov mobile qosymshasy arqyly qabyldaý algorıtmi týraly túsinderme júrgizdi.

Buǵan deıin Petropavlda saıajaıshylarǵa da birjolǵy kómek beriletinin aıtqan edik. 

Foto: SQO ákimdigi