Petropavlda sý tasqynynyń ekinshi kezeńi ótip jatyr

<p>ASTANA. KAZINFORM &ndash; Soltústik Qazaqstan oblysynda sý tasqyny jaǵdaıy áli de kúrdeli. Bul týraly SQO Tótenshe jaǵdaılar departamenti Aqparattyq-taldaý tobynyń bas mamany Jazıra Qojahmetova aıtyp berdi.</p>

«Oblysymyzdaǵy jaǵdaı áli de kúrdeli. Sergeev sý qoımasynda sý deńgeıi túsip kele jatyr, búgingi kórsetkish 3 metr 37 sm qurady. Táýlik ishinde 19 sm tómendeý baıqalady. Ǵ. Músirepov, Shal aqyn, Esil aýdandarynda sý tasqynynyń ekinshi tolqyny ótip, qazir ol Qyzyljar aýdany men Petropavl qalasyna ótip jatyr. Sońǵy táýlikte Qyzyljar aýdanynyń Novonıkolskoe selosynda sý deńgeıi 6 sm kóterildi», - dedi J. Qojahmetova Ortalyq kommýnıkatsııalar qyzmetinde ótken baspasóz qyzmetinde. 

Qazgıdromet mamandarynyń boljaýy boıynsha ekinshi tolqyn birinshi tolqyndaı kóp sý ákelmeıdi jáne úılerdi sý endi baspaıdy.

«Búgingi kúnde 764 adam úıine qaıtty. Myńǵa jýyq adam evakopýnktterde, qalǵany týystaryna ornalasty. Jergilikti atqarýshy organdar, eriktiler, Ulttyq ulan, jeke uımydardyń jumylýymen aýdandarda jáne oblysta 754 myńnan astam sý soryldy, bógetter nyǵaıtyldy. Qaýip tolyq seıilgen joq», - dedi spıker.