Petropavlda sý tasqynynan zardap shekken saıajaı ıelerine tólem bola ma

<p>PETROPAVL. KAZINFORM &ndash; Petropavlda 6 myńnan astam saıajaı ýchaskesi sý astynda qaldy. Turǵyndardyń kópshiliginiń kókeıinde múlik ıelerine tólem jasalady ma degen suraq bar. Búgin Soltústik Qazaqstan oblysy Tótenshe jaǵdaılar departamentiniń daǵdarys ortalyǵynda ótken brıfıngte Petropavl ákimi Serik Muhamedıev bul suraqqa jaýap berdi.</p>

«Eger saıajaı jalǵyz turǵylyqty jer bolsa, onda ol turǵyn úıge teńestiriledi. Bul jaǵdaıda qoldaý tolyǵymen kórsetiledi», - dedi Petropavl ákimi Serik Muhamedıev.

Al qalǵan múliktiń zaqymdanýy boıynsha ár másele zańdy turǵyda sheshilmek. 

Sondaı-aq Serik Muhamedıevtiń aıtýynsha, sý basqan úılerdiń ıelerine de alańdamaýǵa bolady. 

«Turýǵa jaramsyz nemese óte nashar jaǵdaıdaǵy barlyq úılerdi, árıne, qalpyna keltirýdiń qajeti joq. Jańadan úıler nemese páterler salynady. ıAǵnı, bul jeke negizde qarastyrylady», - dedi Petropavl qalasynyń ákimi.

Serik Muhamedıev qalanyń sý basqan aýdandarynyń turǵyndarymen kezdesken. Zardap shekkender jańa úıleriniń basqa jerde ornalasqanyn qalaıdy. 

Petropavl ákimi: «Ol jerge saıabaq jasasaq, jaqsy bolar edi», - dep usynys jasady.

Buǵan deıin Prezıdent Qasym-Jomart Toqaev Soltústik Qazaqstan oblysyna jumys saparymen barǵanyn aıtqan edik. Memleket basshysy Sergeevka sý qoımasyn, sý basqan Qyzyljar aýdanyn jáne Petropavl qalasynyń tóńiregin tikushaqpen aralap kórdi. 

Keıin tasqyn sý saldarynan evakýatsııalanǵan aýdandardyń halqymen kezdesti.