Petropavlda sý basý qaýpi bar aýdandardan halyq evakýatsııalanýda

<p>ASTANA. KAZINFORM &ndash; Petropavl qalasynda sý basý qaýpi bar aýdandardan halyqty evakýatsııalaý júrgizilip jatyr. Bul týraly Soltústik Qazaqstan oblystyq TJD baspasóz hatshysy Evgenıı Jýravlev aıtty.</p>

«Jaǵdaı barynsha kúrdeli. Sergeev sý qoımasynyń tolýy 168 paıyzdy quraıdy. Sý plotına erneýinen 3,5 metr asyp-tógilip jatyr. Tómendeý baıqalady. Degenmen, bul jalpy jaǵdaıǵa áser etpeıdi. ıAǵnı, sý Qyzyljar aýdany men Petropavl qalasyna baryp jatyr. Esil aýdanynda 112 úı sý astynda qalǵan. Qazirgi ýaqytta Qyzyljar aýdanynyń Teplıchnoe, Zaton jáne Prıbrejnaıa aýyldaryna negizgi soqqy tıip jatyr. 320 úıdi sý basyp, 1 839 adam evakýatsııalandy. Ótken táýlikte Petropavl qalasynyń eki aýdanynda 135 úıdi sý basty. Halyq evakýatsııalanyp jatyr. Olar úsh orta mektepke jáne 2 kolledjdiń jataqhanasyna ornalastyryldy. Basym kópshiligi týystarynyń úıinde», - dedi ol Ortalyq kommýnıkatsııalar qyzmetindegi brıfıngte.

Onyń aıtýynsha, jalpy oblys boıynsha 1 770 adam, onyń ishinde 1 123 bala evakýatsııalanǵan.

Óńirde sý tasqynymen kúreske 3 797 adam, 854 tehnıka, 476 motopompa, 110 qaıyq jumyldyrylǵan.