Petropavlda stýdentter Alǵys aıtý kúninde 20 kg qurt úlestirdi
Bastama avtory - joǵary oqý ornynyń Qazaqstan halqy Assambleıasy kafedrasy. Al aktsııanyń júzege asýyna Evreı mádenı ortalyǵy atsalysqan.
«Qazaqtyń ulttyq taǵamy, qasıetti qurt – saıası qýǵyn-súrgin jyldary jer aýdarylǵan kóptegen adamnyń ómirin saqtap qaldy. Tarıhı oqıǵalarǵa negizdelgen ańyz bar: «ALJIR» lageriniń tutqyndaryna qazaq balalary qorshaýdan aq tas laqtyrǵan. Alǵashynda baıǵus áıelder onyń mánisin túsinbeı, bul áreketti qorlaý dep baǵalaǵan. Keıin onyń as ekenin bilip, qurttyń kómegimen ashtyqtan aman qalǵan. Osylaısha qazaq halqy qurt laqtyryp, lagerdegilerdi tamaqtandyrǵan. Sol sebepti qurt biz úshin qaıyrymy mol asyl tas»,- dedi joǵary oqý orny Qazaqstan halqy Assambleıasy kafedrasynyń meńgerýshisi Lıýdmıla Grıvennaıa.
Aktsııaǵa oraı 20 kg qurt Kókshetaýdan arnaıy ákelindi. Ol ýnıversıtettiń barlyq korpýsynda jastarǵa, ustazdarǵa taratyldy.
«Búgin aktsııaǵa men de qatysyp, qurt tarattym. Qurttyń túr-túri bar: súrlengen, qyshqyl, tátti, aşy. Jalpy bul merekeniń men úshin mańyzy zor. Ata-anaǵa, qurby-dostarymyzǵa, ýnıversıtettegi ustazdarymyzǵa alǵys aıtý úshin taptyrmas sát», - deıdi stýdent Aıagóz Qaıyrken.