Petropavlda rezervtik sý stansasy salynady

<p>ASTAAN. KAZINFORM - Sý tasqyny saldaryn joıý jáne júrgizilip jatqan is-sharalardy taldaý sheńberinde Premer-Mınıstr Oljas Bektenovke Petropavlda rezervtik sýmen jabdyqtaý kózin salý josparlary týraly baıandaldy, dep habarlaıdy QR Úkimetiniń baspasóz qyzmeti.&nbsp;</p>

Jobalyq qýaty saǵatyna 100 myń m3 bolatyn tehnıkalyq qurylysty tabıǵı jáne tehnogendik sıpattaǵy TJ týyndaǵan jaǵdaıda halyqty taza aýyz sýmen qamtamasyz etý úshin jumysy toqtatylǵan sorǵy stansasynyń ornynda salý kózdelgen.

Jobany iske asyrý kóktemde Petropavl turǵyndary tap bolǵan qıyndyqtardy boldyrmaýǵa múmkindik beredi.

Úkimet basshysy mundaı apatty jaǵdaıdyń qaıtalanýyna jol berilmeıtinin atap ótip, SQO ákimdigine Qarjy mınıstrligimen birlesip jobany iske asyrýǵa qarajat bólý máselesin pysyqtaýdy tapsyrdy.

Aıta keteıik, búgin Oljas Bektenov SQO-da sý tasqynynan zardap shekkender úshin turǵyn úı salý jumystaryn tekserdi.