Petropavlda referendým kúni 300-ge jýyq tártip saqshysy kezekshilik atqarady

<p>PETROPAVL. KAZINFORM &ndash; Soltústik Qazaqstan oblysynda polıtsııa qyzmetkerleri 9 qazanǵa deıin kúsheıtilgen rejımde qyzmet atqarady.</p>

SQO polıtsııa departamenti baspasóz qyzmetiniń málimetinshe, Petropavlda 97 referendým ýchaskesinde qoǵamdyq qaýipsizdikti qalalyq polıtsııa basqarmasy men oblystyq polıtsııa departamentiniń 300-ge jýyq qyzmetkeri qamtamasyz etedi. Tártip saqshylary aýysymmen qyzmet atqarmaq.

Vedomstvo bastyǵy Aıdyn Qabduldınov respýblıkalyq referendýmdy daıyndaý jáne ótkizý kezeńinde kezekshilikke túsetin polıtsııa qyzmetkerlerin jınady. Olarǵa nusqaý berildi, ýchaskelerdegi jedel jaǵdaı baıandaldy. Aldaǵy kúnderge tártip saqshylarynyń aldyna qoıylǵan mindetterdi jetkizdi.

Sodan keıin ol qyzmetkerlerdiń syrtqy kelbetin, jabdyqtaýdy, qujattardy, beınetirkegishterdi tekserdi.

Esterińizge salaıyq, Atom elektr stantsııasyn salýǵa qatysty referendýmda SQO-dan 375 236 adam quqyǵyn paıdalanyp, daýys bere alady.