Petropavldaǵy iri órt. 35 polıtseı oqıǵa ornyn qorshaýǵa aldy
ІІM málimetinshe, 10 qańtar kúni tańerteń polıtsııaǵa «Rahat» saýda úıi órtenip jatqany týraly habarlama kelip tústi.
— Oqıǵa ornyna alǵashqy bolyp jetken patrýldik polıtsııa batalonynyń ekıpajy qoıý tútin týraly habarlap, qosymsha kómek jiberýdi surady. Bul jerge birden 11 avtopatrýl, 35 polıtsııa qyzmetkeri jiberildi, — delingen habarlamada.
Tártip saqshylary órt sóndirý tehnıkasynyń erkin ótýin qamtamasyz etip, oqıǵa ornyn qorshaýǵa alǵan.
— Sondaı-aq saýda úıi japsarlas ornalasqan 9 qabatty úıdiń tórt podeziniń ekeýindegi turǵyndardy evakýatsııalaýǵa kómektesti. Polıtsııa avtobýsy 30 adamdy qabyldady, onyń ishinde qoıý tútin jaılaǵan úıden shyǵarylǵan balalar da bar. Sonymen qatar jyljymaly evakopýnkt retinde patrýldik kólikter, TJD-nyń eki kóligi jáne eki jolaýshylar avtobýsy paıdalanyldy. Qazirgi ýaqytta shuǵyl qyzmetterdiń jumysy jalǵasyp jatyr. Patrýldik polıtsııa men ýchaskelik polıtsııa ınspektorlary aýmaqty qorshap, qoǵamdyq tártipti qamtamasyz etýde. Azamattardy qyzmetkerlerdiń jumysyna kedergi keltirmeýge jáne sýret úshin ómirlerin qaterge tikpeýge shaqyramyz! , — dep eskertti vedomstvo.
Eske salsaq, búgin Petropavlda azyq-túlik dúkeninen órt shyǵyp, 68 adam evakýatsııalanǵanyn jazdyq.