Petropavlda paıda bolǵan erekshe jol belgisi kóptiń talqysyna tústi

<p>Petropavlda ákimshilik polıtsııa ózdiginen jol belgisin qoıǵandardy anyqtap, zańsyz belgini alǵyzyp tastady, dep habarlaıdy Kazinform.</p>

Petropavlda erekshe jol belgisi paıda bolyp, jurttyń talqysyna tústi. Áleýmettik jelige jarııalanǵan sýret polıtsııanyń da qyzyǵýshylyǵyn týdyrdy. 

Nátıjesinde tártip saqshylary zertteý júrgizip, zańsyz belginiń qaı jerde ornatylǵanyn anyqtady.

«Ákimshilik polıtsııa qyzmetkerleri Petropavldaǵy «Oıqala» men «Rechport» aýdandaryn zerttep shyqty. Nátıjesinde standartqa saı kelmeıtin jol belgisiniń «Ýchıtel» saıajaı qoǵamdastyǵynda ornatylǵany anyqtaldy.

Qazirgi ýaqytta bul belgini baqsha seriktestiginiń basqarmasy alyp tastady.

Jol qozǵalysyn retteýdiń tehnıkalyq quraldaryn jol ıelerimen jáne jol qozǵalysy salasyndaǵy ýákiletti organmen kelisilgennen keıin ǵana ornatý múmkin ekendigin habarlaımyz», - delingen Petropavl qalalyq polıtsııa basqarmasynyń jaýabynda.