Petropavlda ótken táýlikte jaraqat alǵan 120 adam dáriger kómegine júgindi

<p>PETROPAVL. KAZINFORM &mdash; Soltústik Qazaqstan oblysy turǵyndarynyń keıbiri qysqa daıyn bolmaı shyqty. Petropavlda ǵana ótken táýlikte 44 adam túrli synyqpen aýrýhanaǵa kelip, mamandardyń kómegine júginýge májbúr bolǵan.&nbsp;</p>

Petropavldaǵy kóp beıindi qalalyq jedel járdem aýrýhanasynyń travmatologııa bólimi qyzmetkerleri ótken táýlikte demalyssyz jumys istedi. Óıtkeni dárigerlerdiń kómegine júginýshiler saıabyrlamaǵan. Biri kóshede kele jatyp qol-aıaǵyn syndyrsa, endi biri jol-kólik apatyna túsken eken.

Foto: Petropavl qalalyq kóp beıindi jedel járdem aýrýhanasy

«Aýa raıyna baılanysty kúsheıtilgen jumys tártibine kóshtik. Ótken táýlikte 120 adamdy qabyldadyq, sonyń 44-inde synyq bolsa, 46-sy túrli jaraqat alǵan, jol-kólik oqıǵalarynda zardap shekkender de bar. 50-den astam naýqasqa gıps salyp berdik. Alty adam aýrýhanaǵa jatqyzyldy. Olardyń bireýi jol-kólik apatynda jaraqattanǵan», — deıdi aýrýhananyń travmatolog-ortopedi Denıs Petrov.

Foto: Petropavl qalalyq kóp beıindi jedel járdem aýrýhanasy

Petropavlda qar qalyń túskenimen, aýa temperatýrasy -3, -4 shamasynda ǵana. Kóktaıǵaqtan alańsyz júrý múmkin emes. 

Foto: Petropavl qalalyq kóp beıindi jedel járdem aýrýhanasy

«Turǵyndar qysqy ýaqytqa aıaq kıimdi durys tańdaýy kerek, ol jyly eń bastysy — taıǵanamaýy tıis. Spırttik ishimdikten bas tartyp, qazirgideı kóktaıǵaqta abaılap júrse eken», — deıdi dáriger.

Foto: Petropavl qalalyq kóp beıindi jedel járdem aýrýhanasy

Keshe Soltústik Qazaqstan oblysynda qar jaýyp, arty boranǵa ulasty.

Polıtseıler kóktaıǵaq saldarynan joldan shyǵyp ketken kólik júrgizýshilerine kómektesip jatyr.