Petropavlda órtten áıel men 2 bala qaza tapty

<p>Petropavlda jeke turǵyn úı órtenip, áıel men eki bala kóz jumdy, dep habarlaıdy <a href="https://kaz.inform.kz/search_results/?q=%D3%A9%D1%80%D1%82&amp;page=2" target="_blank" rel="noopener">QazAqparat </a>tilshisi.&nbsp;</p>

Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, 25 qyrkúıek kúni 101 telefon nómirine saǵat 21.35 Petropavldaǵy Volochaevskaıa kóshesi, 113 mekenjaıynda órt shyqqandyǵy týraly habar túsken.

Órt sóndirýshiler oqıǵa ornyna bes mınýtta jetken. Kelgen kezde aǵash úı otqa oranyp úlgergen eken. Órt sóndirý barysynda órt ornynda 3 adamnyń – 20 jastaǵy boıjetkenniń jáne 5 pen 1 jasar balanyń denesi tabyldy. Órtti sóndirýge jeke quramnyń 15 adamy jáne 3 tehnıka jumyldyryldy. Jalyn 19 sharshy metrdi sharpyǵan. Órttiń shyǵý sebebi men keltirilgen zalal anyqtalatyn bolady.

Oqıǵa ornyna oblys ákimi Ǵaýez Nurmuhambetov, SQO TJD bastyǵy Erik Sarybaev, SQO PD bastyǵy Aıdyn Qabduldınov keldi. Bul úıdiń turǵyndary halyqtyń áleýmettik osal toptarynyń esebinde turǵan joq. Jergilikti atqarýshy organ QR zańnamasy aıasynda kómek kórsetpek. Qaza tapqandardyń týystary jáne jaqyndarymen SQO TJD psıhologııalyq qyzmetiniń qyzmetkerleri jumys júrgizdi.

SQO TJ departamenti turǵyndardy peshti jaǵý, elektr jáne gaz jabdyqtary men aspaptaryn paıdalaný kezinde órt qaýipsizdigi erejelerin saqtaý qajettigin eskertedi.