Petropavlda múgedektigi bar 37 jastaǵy qaryndasyn uryp kelgen er adam jazalanbaq

<p>Petropavlda &laquo;Zorlyq-zombylyqqa qarsy belsendiliktiń 16 kúni&raquo; aktsııasy aıasynda 3 top múgedektigi bar áıeldiń týǵan baýyrynan zábir kórip kelgendigi anyqtaldy, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavl qalasynyń 37 jastaǵy turǵyny anasymen jáne aǵasymen birge turǵan. Baýyry únemi qol kóterip, áıel oǵan moıynsunyp kelgen. Óıtkeni 3 top múgedektigi bar ol eshqaıda jumysqa ornalasa almaı týǵandaryna kiriptar bolǵan. Anasy da únemi «shyda, úndeme» dep basyp kelipti.

Bul fakti «Zorlyq-zombylyqqa qarsy belsendiliktiń 16 kúni» aktsııasy aıasynda anyqtaldy.

Petropavl qalalyq polıtsııa basqarmasy jergilikti polıtsııa qyzmeti bóliminiń áıelderdi zorlyq-zombylyqtan qorǵaý tobynyń qyzmetkerleri áıelge ýaqytsha bolý ortalyǵyna ornalasýǵa kómektesti. Onda ol alty aı tura alady, osy aralyqta psıhologtar men zańgerlerdiń bilikti kómegi kórsetilmek. Mamandyq ıgerip, jumysqa ornalasýǵa múmkindik alady. Polıtseıler qarjylyq táýelsizdik áleýmettik qorǵaýdyń mańyzdy faktory ekenin atap ótti. Táýelsiz áıel endi uryp-soqqan aǵasyna oralmaıdy.

Foto: SQO Polıtsııa departamenti

 

«Jábirlenýshiniń aǵasyna qatysty qorǵanys uıǵarymy shyǵaryldy. Aldaǵy ýaqytta sot-medıtsınalyq saraptamanyń qorytyndysy negizinde shara qabyldanady. Qazirgi ýaqytta polıtsııa ótinish berýdi kútpeıdi, otbasylyq-turmystyq qatynastar salasyndaǵy quqyq buzýshylyqtardy ózderi anyqtaıdy. Biz úıdegi janjalqoılardan zardap shekkenderdi mamandardyń kómegine júginýden qoryqpaýǵa shaqyramyz» - deıdi Petropavl qalalyq polıtsııa basqarmasynyń bastyǵy Marat Jumalıev.

Jyl basynan beri Petropavlda polıtseıler otbasylyq-turmystyq qatynastar salasynda 1141 faktini tirkedi. Quqyq buzýshylarǵa qatysty 1105 qorǵaý uıǵarymy shyǵaryldy, sottar minez-qulyqqa 224 erekshe talap qoıdy.