Petropavlda merekelik demalys kúnderi polıtsııaǵa 1 800-den astam qońyraý tústi

<p>PETROPAVL. KAZINFORM &mdash; Petropavlda merekelik demalys kúnderi &laquo;102&raquo; arnasyna 1800-den astam qońyraý tústi, dep habarlaıdy <a href="https://polisia.kz/petropavlda-merekelik-demalys-kunderi-politsiyagha-1800-den-astam-qongyrau-tusti/" target="_blank" rel="noopener">Polisia.kz.</a></p>

Petropavlda ótken merekelik demalystardy polıtseıler tynysh dep baǵalady. Degenmen mereke kúnderine tán oqıǵalar boldy.

31 jeltoqsannan 4 qańtarǵa deıin tynyshtyqty buzý boıynsha 31 shaqyrtý tirkeldi. Sonymen qatar tártip saqshylary otbasylyq janjaldar men tártipsizdikterge qatysty 62 qońyraýǵa jaýap berdi.

Jalpy, bes kún ishinde «102» jedel arnasyna 1 880 qońyraý tústi. Múlikti urlaýdyń 7 jáne alaıaqtyqtyń 7 faktisi tirkeldi. Petropavl qalalyq polıtsııa basqarmasynyń jedel basqarý ortalyǵynyń beınebaqylaý ınspektorlary kúsheıtilgen rejımde jumys istedi. Olar mereke kúnderi 181 ákimshilik quqyq buzýshylyqty anyqtady, onyń ishinde 124 derek – jol qozǵalysy erejelerin buzý.

Aıta keteıik, uzaq demalys kúnderi qala kóshelerinde 38 túrli oqıǵa tirkelgen.

Eske salsaq, buǵan deıin Petropavlda Jumysshy kenti men qala ortalyǵyn qosatyn avtoótkel bıyl qoldanysqa beriletinin habarlaǵan edik.