Petropavlda memlekettik baǵdarlama aıasynda 17 kópqabatty úı jańǵyrtyldy
Petropavl qalasynyń ákimi Rýslan Ańbaev turǵyndar aldynda esep berip, atqarylyp jatqan jumystarǵa toqtaldy.
Shahar basshysynyń aıtýynsha, oblys ortalyǵynda turǵyn úı-kommýnaldyq sharýashylyqty jańǵyrtý baǵdarlamasy aıasynda kópqabatty 17 úı jónge keltirildi.
«Sońǵy eki jyldyń ishinde kópqabatty úılerdi jańǵyrtýǵa respýblıkalyq bıýdjetten 2 mlrd teńgeniń nesıesi berildi. Ol qarajatty baspananyń shatyryn kúrdeli jóndeýge jáne lıftterdi aýystyrýǵa jumsaýǵa bolady. Nátıjesinde tórt úıde shırek ǵasyr jumys istemegen lıftter aýystyryldy.
Naýryz aıynda biz 2024 jyly baǵdarlamaǵa qatysý úshin qujattardy jiberemiz. Ol úshin biz qaı úılerde kúrdeli jóndeý júrgiziletinin anyqtaýymyz kerek. Bul úılerdi sizder usynýlaryńyz qajet. Atqarylatyn jumys pen merdiger kompanııany ózderińiz tańdaı alasyzdar. Desek te biz sizderdi baǵdarlamaǵa qatysýǵa májbúrleı almaımyz», - dedi Petropavl ákimi Rýslan Ańbaev.
Turǵyn úı-kommýnaldyq sharýashylyqty jańǵyrtý baǵdarlamasy aıasynda qarajat 15 jylǵa 0,1 % nesıege beriledi. Qatysý úshin páter ıeleri jınalys ótkizip, ortaq sheshimge kelýleri tıis.