Petropavlda mektep oqýshysy jigitti pyshaqtap tastady
Oqıǵa keshe 15 mamyr kúni bolǵan. Petropavldaǵy № 44 orta mekteptiń dırektory Anastasııa ıAkýshevanyń aıtýynsha, 13 mamyr kúni bilim ordasyna erekshe rejımdegi arnaıy mektepten 18 jastaǵy burynǵy oqýshylary oralǵan. Ol oqý jylyn aıaqtap, emtıhan tapsyryp, attestat alýy tıis edi.
«Ol 13 mamyrda keldi, mektepte bir kún boldy. 14 mamyr kúni bolǵan joq, al keshe osyndaı oqıǵa boldy. Mektepten tys jerde, aýlada ol eresek balany pyshaqtaǵan. Biraq biz zardap shegýshini bilmeımiz. Balalardyń aıtýynsha, eki jigittiń arasynda kelispeýshilik bolyp, arty tóbeleske ulasqan. Bul kamerada bolǵan kórinedi. Tóbelestiń naqty sebebin biz aıta almaımyz, qazir tergeý júrgizilip jatyr. Ol sabaqta bolýy kerek edi», - deıdi mektep dırektory.
Jańadan kelgen oqýshy jumysqa ornalasyp, qujattaryn áketpek bolǵan.
«Ol erteń jumysqa ornalasý týraly anyqtama ákeletinin jáne mektepten ketetinin aıtty. Biz anyqtama ákelip, qujattaryn alýǵa bolatynyn aıttyq. Úıge kettim dep mektepten shyǵyp ketken...
Biz ony kámeletke tolmaǵandardyń isteri jónindegi komıssııalarda, mekteptiń aldyn alý keńesterinde birneshe ret qarastyrdyq. Mektepte bul bala ózin árdaıym sabyrly ustady, árdaıym muǵalimderge qurmetpen qarady jáne pedagogıkalyq ujymnyń oǵan eshqashan shaǵymy bolǵan emes.
Barlyq qylmysty mektepten tys jerde, tipti keıde túnde jasaǵan, sondyqtan onyń isi birneshe ret komıssııalarda qaraldy. 18 jasqa tolǵannan keıin ony arnaıy mektep bizge qaıta oqýǵa jiberýge májbúr bolǵan.
Bolǵan oqıǵany sol kezde ótip bara jatqan dene shynyqtyrý pániniń muǵalimi kórip, polıtsııaǵa qońyraý shaldy, óıtkeni ol sol kezde basqa balalardy jarysqa aparmaqshy bolyp, aıaldamaǵa bara jatqan. Munyń bári olardyń kóz aldynda bolǵan», - deıdi Anastasııa ıAkýsheva.
Zardap shegýshi — 19 jastaǵy jigit barlyǵy úsh pyshaq jaraqatyn alǵan. Qazir ol Petropavldaǵy oblystyq kópbeıindi aýrýhanada jatyr.
«Bizge keshe 15 mamyr kúni saǵat 11.20 shamasynda ishinen jáne oń jaq qolynan pyshaq jaraqatyn alǵan jigit tústi. Іshine pyshaq suǵylǵandyqtan syrqatqa jedel túrde ota – laparotomııa jasaldy. Operatsııa shtattyq rejımde ótti. Keıin jansaqtaý bólimine jatqyzyp, búgin tańerteń jaǵdaıy turaqtalǵandyqtan hırýrgııa bólimine aýystyryldy. Otanyń jasalǵanyna kóp ýaqyt óte qoıǵan joq, sondaı-aq laparotomııa isteldi, zaqym kelgen organdardy tiktik, sondyqtan syrqattyń jaǵdaıy aýyr. Tezirek aıaǵyna turyp ketýi úshin tıisti em-dom tolyq jasalyp jatyr», - deıdi SQO kópbeıindi aýrýhana dırektorynyń emdeý isi boıynsha orynbasary Rýslan Abetov.
SQO polıtsııa departamenti de osy qylmysqa qatysty túsinikteme berdi.
«Polıtsııa qyzmetkerleri qala turǵynyn izin sýytpaı ustady. Ol densaýlyqqa qasaqana aýyr zııan keltirdi dep kúdiktelýde. Kúdikti Petropavl qalasy polıtsııa basqarmasynyń ýaqytsha ustaý ızolıatoryna qamaldy. Tergeý áreketteri júrgizilýde», - delingen SQO polıtsııa departamentiniń baspasóz habarlamasynda.
Esterińizge salaıyq, byltyr Petropavlda synyptastaryn baltalaǵan mektep oqýshysy 6 jyl 9 aıǵa sottalǵan edi.