Petropavlda qyzyl túske boıalǵan Aıdy tamashalaý úshin teleskop ornatylady

PETROPAVL. QazAqparat - M.Qozybaev atyndaǵy Soltústik Qazaqstan memlekettik ýnıversıtetiniń professory Andreı Solodovnık QazAqparat tilshisine 27-28 shildede bolatyn biregeı astronomııalyq qubylys týraly aıtty.

Osy kezeńde Aı tolyqtaı tutylyp, Marspen tuspa-tus keledi. Bul qubylysty 27 shildede kúndizgi saǵat 11-de tamashalaýǵa bolady. Al, Aıdyń tutylýy - 27-nen 28 shildege qaraǵan túni bolady.

«Bul qubylys 15-17 jylda bir kezdesedi. Endigi tuspa-tus kelýi 2035 jyly bolady. Marsty jerdegi teleskoppen kórýge múmkindik týady. Shamamen saǵat túngi 1.30-da túngi aspan erekshe keıipke túsedi. Tutylýdyń eń shekti fazasy túngi 2.22-de bolady. Aı qyzyl túske boıalýy múmkin», - deıdi professor.

27 shilde kúni saǵat kúndizgi 11-de Kún, Jer men Mars bir syzyqtyń boıyna jaıǵasady.

Soltústikqazaqstandyqtar sulý tabıǵat qubylysyn ýnıversıtettiń besinshi ǵımaratynyń aldynda alańda tún ortasynan aýǵanda tamashalaýdy usynyp jatyr. Onda ǵalymdar arnaıy teleskop ornatady.