Petropavlda qurylysta júrgen jigittiń ústine balshyq qulap, mert boldy

<p>PETROPAVL. KAZINFORM &ndash; Petropavlda jumysshynyń ústine balshyq qulap ketti. 22 jastaǵy jigit aýrýhanada tilge kelmesten qaıtys boldy.&nbsp;</p>

Soltústik Qazaqstan oblystyq eńbek ınspektsııasynyń málimetinshe, oqıǵa 3 maýsym kúni keshki saǵat 21.00 shamasynda bolǵan. Sol kúni jumysshylar «Maslo-del» kásipornynyń qosalqy ǵımaratyna sý qubyryn tartý úshin qazylǵan shuńqyrdy tazalaǵan. Abaısyzda 2001 jyly týǵan jigittiń ústine topyraq qulap, basyp qalǵan. Jedel-járdem qyzmeti jaraqat alǵan jigitti aýrýhanaǵa jetkizgenimen, ol ota barysynda qaıtys boldy. Marqumnyń ishki organdary ezilip ketken. Osy oqıǵa boıynsha qylmystyq is qozǵalyp, polıtsııa tergeý júrgizip jatyr.

«Jumys berýshi belgilengen tártip boıynsha jazataıym oqıǵa jaıynda basqarmaǵa habarlady. Jumysshymen bıyl 4 naýryzda azamattyq-quqyqtyq sıpattaǵy shart jasalǵan eken. Mundaı shart bolǵan jaǵdaıda másele QR Azamattyq is júrgizý kodeksine saı retteledi», - dedi SQO eńbek ınspektsııasy basqarmasy basshysynyń orynbasary Azat Kósherbaev.

Buǵan deıin Petropavlda 4 jasar balanyń terezeden qulap ketkeni týraly jazǵan edik. 

Esterińizge salaıyq, SQO-da byltyr jumys ornynda jazataıym oqıǵa kezinde 38 adam zardap shekken, onyń 11-i qaıtys boldy.