Petropavlda kórkemsóz oqýdan respýblıkalyq baıqaý ótedi
10:12, 12 Qyrkúıek 2018
PETROPAVL. QazAqparat - 14 qyrkúıekte Petropavlda jastar arasynda dástúrli Abaı atyndaǵy kórkemsóz oqý sheberleriniń respýblıkalyq konkýrsy ótkiziledi. Bul týraly QazAqparat Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵyna silteme jasap habarlaıdy.
Qazaqstan halqy tilderi kúnine oraı ótkiziletin baıqaýdy QR Mádenıet jáne sport mınıstrliginiń Til saıasaty komıteti uıymdastyrady.
Oǵan oblystyq (qalalyq) konkýrstardyń jeńimpazdary qatysady. Baıqaý jeńimpazdaryn abaıtanýshy ǵalymdar men zııaly qaýym ókilderinen qurylǵan qazylar alqasy anyqtaıdy. Jeńimpazdar arnaıy dıplomdar, alǵys hattarmen jáne qarjylaı syılyqtarmen marapattalady.
«Konkýrstyń maqsaty - kórkem ádebıetti nasıhattaýdy jandandyrý jáne talantty jastardy tabý, Abaı jáne basqa da qazaq ádebıeti klassıkteriniń shyǵarmalaryn oryndaý arqyly qazaqtyń kórkem ádebıetine qazaqtyń tili men mádenıetine degen yqylasyn arttyrý», - delingen habarlamada.