Petropavlda kópqabatty úıdiń 3 birdeı balkony janyp ketti

PETROPAVL. QazAqparat – Petropavlda turǵyn úılerdiń birinen órt shyǵyp, úsh páterdiń balkony janyp ketti, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamentiniń málimetinshe, 23 mamyr kúni 112 qyzmetine 14.22 mınýt ketkende Petropavldaǵy Vasılev, 61 meken- jaıynda ornalasqan úsh qabatty turǵyn úıden órt shyqqandyǵy jóninde habarlama tústi.

Órt sóndirýshiler kelgen kezde balkondar otqa oranyp, lapyldap janyp jatqan. Jalynmen kúreske búkil garnızonnyń jeke quramy men tehnıkasy jumyldyryldy.

«Turǵyn úı úsh qabatty, eki podezdi, 7 páter bar. 12 adam evakýatsııalanyp, eki adam qutqaryldy, onyń bireýi múgedek. Saǵat 16.52-de órt tolyq sóndirildi. Órt zerthanasy men polıtsııa birlesip, órttiń shyǵý sebebin anyqtady. Elektr kózi sebep bolǵan. Shyǵyn mólsheri anyqtalyp jatyr», - deıdi SQO TJD bastyǵynyń orynbasary Murat Qanǵojınov.

Demalys kúnderi 13 órt tirkeldi, 4-ýinde turǵyn úı, 6-ýynda qora-qopsy jandy. Eki kólik otqa orandy.