Petropavlda kólik qaqqan jaıaý adam mert boldy, kómekke kelgen jedel járdem kóligi de apatqa ushyrady

PETROPAVL. QazAqparat - Petropavlda bir jerde eki jol apaty boldy, dep habarlaıdy QazAqparat polıtsııaǵa silteme jasap.

13 shilde saǵat 00:10 shamasynda Petropavl qalasy Qojabergen jyraý kóshesinde 38 jastaǵy VAZ 2114 avtokóliginiń júrgizýshisi jolǵa shyqqan jaıaý júrginshini basyp ketti.

19 jastaǵy jaıaý júrginshi oqıǵa ornynda qaıtys boldy. Oqıǵa ornyna polıtsııa jáne jedel járdem qyzmetkerleri keldi.

Saǵat 00:30 shamasynda oqıǵa ornyna jaqyn turǵan Hyundai H350 jedel járdem kóligi men ótip bara jatqan Mercedes-Benz 124 soqtyǵysty.

Apat saldarynan 22 jastaǵy feldsher qyz medıtsınalyq mekemege jatqyzyldy.

37 jastaǵy Mercedes júrgizýshisi oqıǵa ornynan qashyp ketken, alaıda kóp uzamaı polıtsııa qyzmetkerleri ustady.

JKO faktileri QR QK 345-babynyń 3-bóligi jáne 345-1-babynyń 1-bóligi boıynshasotqa deıingi tergeýdiń biryńǵaı tiziliminde tirkeldi.

Kólik quraldary aıypturaqta.

Polıtsııa qajetti saraptamalardy taǵaıyndaý jáne túpkilikti is júrgizý sheshimin qabyldaý úshin materıal jınap jatyr.

Tergeý júrip jatyr.