Petropavlda Qazaqstan halqynyń birligi kúni erekshe formatta atalyp ótpek

<p>PETROPAVL. KAZINFORM &ndash; Petropavlda bıyl Qazaqstan halqynyń birligi kúnin toılaýda qalyptasqan formattan aýytqyp, án-bıden bas tartpaq.&nbsp;</p>

Petropavl qalasy ákimdiginiń málimetinshe, engizilgen tótenshe jaǵdaı rejımine jáne sý tasqynyna baılanysty oblys ortalyǵynda jalpy qalalyq senbilik ótedi. Bul - Qazaqstan halqy assambleıasynyń bastamasy.

«Taza Qazaqstan» aktsııasy 1 mamyrda turǵyndardyń basyn biriktirip, bul kún eńbek jáne tazalyq atmosferasynda ótpek.

Jergilikti bılik ókilderi qalalyqtardy óz aýlalaryn tazalaýǵa shaqyrdy.

Sondaı-aq, sý basqan aýdandarda da tazartý ótkiziledi.

Petropavlda tasqyn sýdyń beti qaıtty, Esil ózeni sýynyń deńgeıi túsip jatyr. Máselen Sergeev sý qoımasynda ótken táýlikte sý deńgeıi 89 sm-ge, Petropavlda 19 sm-ge tústi. Sý ketken jerlerde qoqystan aıaq alyp júrgisiz.

Buǵan deıin sý tasqynyna qarsy is-sharalarda elimizde 50 myńnan astam volonter jumys istegenin aıtqan edik.