Petropavlda «Qaryzsyz qoǵam» jobasy bastaldy

<p>&nbsp; Petropavlda &laquo;Qaryzsyz qoǵam&raquo; jobasy aıasynda bir myńnan astam adam tegin qarjylyq saýatyn arttyrmaq, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«AMANAT» partııasy Soltústik Qazaqstan oblysy fılıaly baspasóz qyzmetiniń málimetinshe, «Qaryzsyz qoǵam» - ekinshi deńgeıli bankpen birlesken joba. Onyń aıasynda nesıe boıynsha bereshegi bar jáne boryshkerler tiziminde turǵan jandar, dál qazirgi ýaqytta qaryzy bar jáne onyń merzimin ótkizip alǵan azamattar, sondaı-aq memleketten jeńildikpen nesıe alýǵa úmitker isin jańadan bastaǵan kásipkerler oqýdan óte alady. Sondaı-aq boryshkerlerge tegin zań kómegin kórsetý josparlanǵan.

«Qaryzsyz qoǵam» jobasy E.Dáýitov atyndaǵy Petropavl qyzmet kórsetý salasy kolledjinde ótip jatyr. Kýrsqa 66 adam qatysqan, olar negizinen osy oqý ornynyń stýdentteri. Jyl sońyna deıin oblys ortalyǵynyń barlyq 13 kolledjin qamtımyz. Aı saıyn úsh toptan quramyz. Oǵan negizinen 18 jasqa tolǵan kolledj stýdentteri men qyzmetkerleri qatyspaq. Bir topta 50 adamǵa deıin oqytylady. Bul oqytý kýrsy eń aldymen jastar úshin paıdaly bolady. Joba boryshkerlerdiń sanyn azaıtyp, halyqtyń qaryz júktemesin tómendetýge baǵyttalǵan»,- deıdi «AMANAT» partııasy «Bolashaq» fılıalynyń atqarýshy hatshysy Aleksandr Zel.

Oqý kýrsy barysynda qatysýshylar qarjylyq saýattylyqty arttyryp qana qoımaı, alaıaqtardyń arbaýyna túspeýdiń joldary da aıtylady.

Aldaǵy ýaqytta joba oblys ortalyǵynyń aýrýhanalarynda, mektepterinde jáne iri kásiporyndarynda da uıymdastyrylmaq.