Petropavlda fýtbol oınap júrgen bozbala alańda qulap, aýrýhanada tilge kelmesten kóz jumdy

<p>Petropavlda fýtbol oınap jattyǵyp júrgen bozbala qaza tapty. Kenetten júregi toqtaǵan 18 jastaǵy jigitti dárigerler qutqara almady, - dep habarlaıdy Kazinform.</p>

Oqıǵa keshe keshqurym bolǵan. WhatsApp-ta taraǵan vıdeoda jigittiń dopty qýalap júrgenin kórýge bolady. Bir sátte bozbala qulap tústi.

Kýágerlerdiń aıtýynsha, oqıǵa ornyna kelgen jedel járdem qyzmeti júregi toqtap qalǵan jigitke reanımatsııalyq kómek kórsetken. Alaıda, bala oblystyq kópbeıindi balalar aýrýhanasynda tilge kelmesten qaıtys boldy.

Soltústik Qazaqstan oblystyq densaýlyq saqtaý basqarmasy aqparat berýden bas tartty.

Baspasóz qyzmetiniń málimetinshe, sot-medıtsınalyq saraptama júrgiziledi, tergeý bolady. Oǵan deıin jarııalaýǵa bolmaıdy.

SQO dene shynyqtyrý jáne sport basqarmasy baspasóz qyzmetiniń málimetinshe, qaıtys bolǵan Raýan Muhtarov 16 qazan kúni saǵat 18.00-den bastap «Qarasaı» stadıonynyń qosymsha fýtbol alańynda jattyqqan.

Bozbala 2005 jyly týǵan, Soltústik Qazaqstan kásibı-pedagogıkalyq kolledjinde «Dene shynyqtyrý jáne sport» mamandyǵy boıynsha 2 kýrsta jaqsy oqyǵan.

11 jasynan bokspen aınalysqan, jasóspirimder arasynda bokstan oblys chempıony, kadetter boıynsha halyqaralyq týrnırdiń jeńimpazy. Bıyl shilde aıynan bastap fýtbolǵa aýysyp, «Qyzyl-jar» fýtbol ortalyǵynda jattyǵa bastaǵan. Densaýlyǵyna eshqashan shaǵymdanbaǵan.