Petropavlda esirtki jasyryp ustalǵan 18 jastaǵy jigit 15 jylǵa deıin sottalýy múmkin

<p>Petropavlda polıtseıler sıntetıkalyq esirtki satatyn ınternet-dúkende jumys istedi degen kúdikpen 18 jastaǵy jigitti ustady. Ońaı aqsha tappaq bolǵan jigitten asa iri mólsherde &laquo;tuz&raquo; tabyldy, dep habarlaıdy Kazinform.</p>

SQO Polıtsııa departamenti baspasóz qyzmetiniń málimetinshe, esirtki qylmysyna qarsy is-qımyl basqarmasynyń qyzmetkerleri Petropavlda sıntetıkalyq esirtki jasyryp, taratty degen kúdikpen jas jigitti ustady. 18 jastaǵy jigit fýtbolmen áýestengen, jýyrda oqýyn tastap ketken.

Polıtseıler ony ıA.Gashek kóshesiniń boıynda ustady. Odan ishinde krıstall tárizdi kógildir tústi zat bar 19 «zıplok» paketi salynǵan eki túıinshek jáne sarǵysh tústi dál osyndaı zat salynǵan 10 paket tárkilendi. Sondaı-aq taǵy 2 «zıplok» pen 3 tútikshe alyndy. Ony esirtkini qabyldaǵanda qoldanady. Paketterdiń ishinde psıhotroptyq zattardyń juǵyndysy bolǵan.

Saraptamaǵa sáıkes, tárkilengen zat jalpy salmaǵy 25,15 gramm bolatyn α-PvP, halyq arasynda «tuz» ataýymen belgili esirtki bolyp shyqty. Bul asa iri mólsherge jatady.

Foto: SQO PD baspasóz qyzmeti

Atalǵan fakti QR Qylmystyq kodeksiniń 297-babynyń 3-bóligi boıynsha Sotqa deıingi tergep-tekserýlerdiń biryńǵaı tizilimine engizildi. Baptyń sanktsııasy 15 jylǵa deıingi merzimge bas bostandyǵynan aıyrý jazasyn kózdeıdi.

«Jigittiń aıtýynsha, esirtki satýmen aınalysatyn ınternet-dúkende 3 aı jumys istegen. SQO-da esirtki jasyrýshylar ortasha eseppen 2-3 aı ǵana jumys istep úlgeredi. Keıin polıtsııanyń qolyna túsedi. Al esirtki satýshylar ońaı aqsha tapqysy kelip júrgen nemese bir ǵana doza úshin jumys isteýge daıyn kelesi adamdy qashyqtyqtan otyryp izdeı bastaıdy», - deıdi SQO PD esirtki qylmysyna qarsy is-qımyl basqarmasynyń bastyǵy Rýslan Saparov.

Foto: SQO PD baspasóz qyzmeti

 

SQO polıtseıleri 9 aıdyń ishinde esirtki jasyryp, taratty degen kúdikpen 102 adamdy qylmystyq jaýapkershilikke tartty, olardyń 48-i – 17 men 25 jas aralyǵyndaǵylar.

Jyl basynan zańsyz aınalymnan 730 keliden astam esirtki tárkilendi, onyń 2 kg 287 gramy sıntetıkalyq esirtki.