Petropavlda Esil ózeni tası bastady

<p>PETROPAVL. KAZINFORM &ndash; Petropavlda Esil ózeni arnasynan shyǵyp, Zarechnyı kenti janynan ótetin halyqaralyq mańyzy bar &laquo;Novosibir-Chelıabi&raquo; tas jolyn sý basty.</p>

Tasqyn sý Petropavlǵa jetti.

«Qazgıdromet» RMK Soltústik Qazaqstan oblystyq fılıalynyń málimetinshe, ótken bir táýlikte Esil ózeni qala mańynda 144 sm-ge kóterilgen. Osylaısha qaýipti deńgeı – 960 sm-den asyp, tańǵy saǵat 8.00-degi málimet boıynsha 1038 sm-ge jetti.

Qazir Esil ózeniniń tasýyna baılanysty, «Chelıabi-Novosibir» M-51 avtojolynyń 528 km joldyń ústinen sý ketti. Al ózen sýynyń deńgeıi 1050 sm-ge jetken jaǵdaıda, Zarechnyı kentindegi saıajaı qoǵamdastyǵynyń tómende ornalasqan ýchaskelerin sý basýy múmkin.

Sergeevka, Pokrovka eldi mekeni mańynda topan sýdyń beti qaıtyp, túse bastady. Ótken táýlikte Sergeevkada 15 sm-ge, Pokrovkada 36 sm-ge tómendedi.

Novonıkolskoe eldi mekeni mańynda Esil ózeni áli de kóterilip jatyr, bir táýlikte 41 sm-ge kóbeıgen. Dolmatovo eldi mekeninde 135 sm-ge kóterildi.

Sergeev sý qoımasyndaǵy jaǵdaı ózgerissiz, qazirgi ýaqytta ol 176 % tolǵan.

Al shaǵyn ózender deńgeıi túsip jatyr.

Buǵan deıin Petropavlda 50 shaqty turǵynnyń evakýatsııadan bas tartqanyn aıtqan edik.

Óńirde Májilis depýtattary júr. Baqytjan Bazarbek oblysqa sapar barysynda túıgen birneshe máseleni tizip, tabıǵat apatynan zardap shekken halyq shyǵyny óteletinin aıtty.