Petropavlda esirtki satqan áıel 10,5 jylǵa sottaldy

PETROPAVL. QazAqparat – Petropavlda sıntetıkalyq esirtkini arnaıy oryndarǵa jasyryp, taratýmen aınalysqan áıel sottaldy, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, esirtkini arnaıy orynǵa jasyryp, satqany úshin Petropavl qalasynyń 30 jastaǵy turǵyny sottaldy. Oǵan 10,5 jylǵa bas bostandyǵynan aıyrý túrindegi jaza taǵaıyndaldy.

Polıtseıler esirtki jasyrýshy áıeldi ótken jyldyń kúzinde ustady. Qylmyskerde ózimen birge arnaıy oryndarǵa jasyrýǵa daıyndap qoıǵan sıntetıkalyq esirtki salynǵan 20 orama bolǵan. Onyń páterinen jalpy salmaǵy 1 kg 113 gramm bolatyn asa iri mólsherdegi α-PvP nemese tuz dep atalatyn qaýipti esirtki tárkilendi. Muny áıeldiń Astanadan ákelgeni anyqtaldy. Qazir ol bas bostandyǵynan aıyrý oryndarynda jazasyn ótep jatyr.

«Polıtsııa qyzmetkerleri esirtki jetkizý arnalary men satý faktilerin anyqtaý jáne olardyń jolyn kesý baǵytynda aýqymdy jumys júrgizilip jatyr. QR Qylmystyq kodeksiniń 297-baby 3-bóliginiń sanktsııasyna sáıkes 10 jyldan 15 jylǵa deıin bas bostandyǵynan aıyrý túrindegi qatań jaza kózdelgen. Jyl basynan oblysta sottar esirtki saýdalaýshylarǵa qatysty 10 úkim shyǵardy», - deıdi SQO PD esirtki qylmysyna qarsy is-qımyl basqarmasynyń bastyǵy Ivan Terzıdı.

SQO polıtseıleri qańtar aıynan bastap zańsyz aınalymnan 1 keliden astam sıntetıkalyq esirtki tárkiledi.