Petropavlda er adamnyń uıaly telefony órtenip, ózi aýyr halde aýrýhanaǵa tústi

<p>PETROPAVL. KAZINFORM &ndash; Petropavlda qýattalyp turǵan telefon órttiń shyǵýyna sebep boldy. Saldarynan 56 jastaǵy er adam aýrýhanaǵa tústi.</p>

Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, oqıǵa búgin tańerteń bolǵan. Petropavldaǵy úsh qabatty turǵyn úıdiń birinshi qabatyndaǵy páterlerdiń birinde órt shyqqan. 

«Órt 5 sharshy metr aýmaqta bolyp, jıhaz jandy. Órt sóndirýshiler ony 8 mınýt ishinde tolyq sóndirdi. 

Páterde bolǵan 1968 jylǵy er adamǵa ıis tıip, ýlanǵan eken. Emdeý mekemesine jetkizildi», - delingen vedomstvonyń baspasóz habarlamasynda. 

Mamandardyń aıtýynsha, órttiń shyǵýyna uıaly telefon qýattaǵyshy sebep bolýy múmkin. 

SQO Densaýlyq saqtaý basqarmasy baspasóz qyzmetiniń málimetinshe, zardap shekken er adam qazir Petropavl qalalyq kópbeıindi aýrýhanada em alyp jatyr. Jedel járdem kóligimen jetkizilgen qala turǵynynyń jaǵdaıy óte aýyr.

Jansaqtaý bóliminde komada jatyr, ókpeni jasandy jeldetý apparatyna qosylǵan. 

Buǵan deıin Qaraǵandy-Balqash tas jolynda eki adamnyń jol-kólik apatynan qaza tapqanyn jazǵan edik.