Petropavlda eki bala ıis tıip, ýlandy

PETROPAVL. QazAqparat – Petropavlda peshti durys qoldanbaýdyń saldarynan eki bala ıis tıip ýlanyp qaldy. Qazir olar Soltústik Qazaqstan oblystyq kópsalaly balalar aýrýhanasynda tıisti em alyp jatyr, dep habarlaıdy QazAqparat tilshisi.

SQO Tótenshe jaǵdaılar departamenti memlekettik órt qadaǵalaý basqarmasynyń bastyǵy Aslan Ahmetjanovtyń aıtýynsha, oqıǵa 23 qańtar kúni Petropavldaǵy Smırnov kóshesindegi jer úılerdiń birinde boldy. 7 jáne 4 jastaǵy eki bala peshten ıis tıip ýlandy. Olar birden oblystyq kópsalaly balalar aýrýhanasyna jetkizildi. Qazir jaǵdaılary ortasha, em alyp jatyr.

«Balalardyń ýlanýyna pesh murjasyn erte jaýyp tastaý sebep bolǵan. Úıde balalardyń janynda 30 jastaǵy anasy bolǵan, kelinshektiń jaǵdaıy jaman emes, turaqty», - deıdi Aslan Ahmetjanov.

Jalpy SQO-da jyl bastalǵaly 37 órt tirkeldi. Ótken jyly 27 órtte bir adam mert boldy. Sondaı-aq bıyl 6 adam órtten qaza tapty. 2 adam túrli dene jaraqatyn aldy. 4 adamǵa ıis tıip ýlandy, olardyń bireýi qaıtys boldy.

Órt jaǵdaılarynyń kóbeıýine baılanysty óńirde 14 qańtardan bastap órt qaýipsizdigi aılyǵy bastaldy. Órt sóndirýshiler, polıtsııa qyzmetkerleri men jergilikti bılik ókilderi úı-úıdi aralap, peshterdiń durystyǵyn tekserýde jáne qaýipsizdik týraly aıtýda.

Foto: SQO TJD baspasóz qyzmeti