Petropavlda eki bloger kásipkerden 50 mln teńge aqsha bopsalaǵan

<p>Petropavlda Polıtsııa departamentiniń Uıymdasqan qylmysqa qarsy kúres basqarmasy saýda jelisiniń basshylyǵynan aqsha bopsalaǵan eki er adamdy ustady, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

Polisia.kz aqparattyq medıa-portalynyń málimetinshe, Soltústik Qazaqstan oblysynyń Polıtsııa departamentine Petropavldaǵy saýda jelileriniń biriniń dırektory eki blogerdiń ózinen aqsha bopsalaǵanyn aıtyp, aryzdanǵan. Uıymdasqan qylmysqa qarsy kúres basqarmasynyń qyzmetkerleri jedel is-shara barysynda jábirlenýshiden 50 mln teńge bopsalaǵan Petropavldyń eki turǵynyn ustady. 

33 jáne 34 jastaǵy eki azamattyń tutynýshylardyń quqyqtaryn qorǵaýǵa arnalǵan áleýmettik jelilerde paraqshalary bar. 

2022 jyldyń basynan bastap er adamdar Petropavldaǵy saýda oryndaryna bloger retinde reıdter júrgizip otyrǵan; saýda jelisi jáne polıtsııa qyzmetkerlerin arandatyp, janjal týyndatyp, beınerolıkter túsirigen. 

Olardyń jelide YouTube arnasy men Instagram jelisinde birneshe myń jazylýshysy bary anyqtaldy, kópshiligi SQO turǵyndary. 

Arandatýshylyq pen janjal kezinde merzimi ótken ónimdi satý faktisin jeleý etken. Alaıda keı jaǵdaılarda — shokolad, sýsyndar sııaqty taýarlardyń aqshasyn tólemeı ózderimen birge alyp ketip otyrǵan. 

Kúdiktiler sonymen​ birge memlekettik organdarǵa saýda oryndarynda anyqtalǵan zań buzýshylyqtar týraly shaǵymdar jibergen. Osyndaı áreketterimen​ bıznesti jospardan tys tekserýge sebepshi boldy. 

Qyrkúıek aıynyń basynda er adamdar bopsalaý arqyly saýda jelisiniń óńirlik dırektorynan 50 mln teńge somasynda aqsha talap ete bastaǵan. Alaıda olardy basqarma qyzmetkerleri talap etilgen somanyń 5 mln teńgesin alyp jatqan jerinde ustady. 

QR Qylmystyq kodeksiniń 194-baby 2-bóligi 2-tarmaǵy boıynsha sotqa deıingi tergeý bastaldy. Qazir tintý sharalary men tergeý áreketteri júrgizilip jatyr. Onyń nátıjeleri boıynsha túpkilikti protsestik sheshim qabyldanatyn bolady.