Petropavlda byltyr 7 ýchaske memleketke qaıtaryldy

PETROPAVL. QazAqparat – Petropavlda oblystyq jer ınspektsııasy byltyr 1,4 mln teńgege aıyppul salyp, paıdalanylmaı jatqan 23 ýchaskeni májbúrli túrde keri qaıtardy, dep habarlaıdy QazAqparat tilshisi.

SQO Jer ınspektsııasy basqarmasynyń málimetinshe, jerge qatysty jıi kezdesetin zań buzýshylyqtyń biri – ýchaskeni alyp, ony 10-15 jyldaı paıdaǵa jaratpaý. Byltyr osy maqsatta oblys ortalyǵynda 200-ge jýyq tekserý jasaldy. Mamandar 165,5 gektar aýmaqty tekserdi.

Nátıjesinde jalpy somasy 1,4 mln teńgege 14 aıyppul salyndy.

«Olqylyqty joıýǵa 83 uıǵarym shyǵardyq. 2018 jyly olardyń sany 104 bolatyn. Eger belgili merzimdi bizdiń uıǵarymdy oryndamasa, jer ýchaskesin májbúrli túrde qaıtaryp ala bastaımyz», - deıdi oblystyq Jer ınspektsııasynyń jetekshisi Beıbitbek Jaılybaev.

Budan basqa qalalyq ákimdikke jer telimderi boıynsha 10 suraý hat joldanǵan. Jer ıeleri men ony paıdalanýshylar 20 buzýshylyqty joıdy. 7 ýchaskeniń menshik quqyǵy joıylyp, memleketke qaıtaryldy. Kommertsııalyq maqsatta qoldanylýy tıis, alaıda bos jatqan shamamen 23 gektar jerdi qaıtarý úshin sottyń kómegine júginýge týra kelgen.

Jalpy Petropavl qalasy boıynsha 2015-2019 jyldary 56,5682 ga 40 ýchaske jer qaıtarylǵan.