Petropavlda búginnen bastap jylytý maýsymy aıaqtaldy
Petropavl qalasy ákimdiginiń baspasóz qyzmetiniń málimetinshe, búgin jylytý maýsymy resmı aıaqtalǵanymen bul protsess kezeń-kezeńimen júrgizilip, shamamen 10 kúnge sozylady.
Eń birinshi kezekte jylýdan kópqabatty úıler ajyratylmaq. Balabaqshalar, bilim berý uıymdary men medıtsınalyq mekemelerge kezek keıin jetedi.
Jylytý maýsymyn aıaqtaý boıynsha sheshim aýa raıynyń turaqtalýyna baılanysty qabyldanady.
Ol úshin ortasha táýliktik temperatýra 3 kún boıy +10 gradýstan tómen bolmaýy tıis.
«Qazgıdromet» RMK-nyń málimetinshe, Petropavlda aldaǵy úsh kúnde aýa temperatýrasy +23 gradýsqa deıin jylynbaq. Jaýyn-shashyn kútilmeıdi.
Buǵan deıin Petropavldyń dızaın-kody ázirlenetinin aıtqan edik. Bul maqsatqa bıýdjetten 81 mln teńge bólindi.
Qala ákimi Rýslan Ańbaevtyń aıtýynsha, bul – shahardyń sáýlettik kelbeti men estetıkalyq kórinisin jetildirý jónindegi erejeler men usynymdardyń jıyntyǵy bolady.
Tarıhı nysandarǵa baı qalanyń osy ereksheligin saqtap qalý úshin alda boı kóteretin nysandardyń úılesimdi bolýyna mán berilmek.
Rýslan Ańbaev qala turǵyndaryn dızaın-kodty birlese ázireýge shaqyrdy.