Petropavlda bir jasar qyzyn terezeden laqtyrmaq bolǵan er adam 120 saǵat qoǵamdyq jumys atqarady

<p>Petropavlda áıelimen janjaldasqan soń bir jasar qyzyn terezeden laqtyrmaq bolǵan er adamǵa qatysty sot úkimi shyqty. Endi ol 120 saǵat qoǵamdyq jumysqa jegiledi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Petropavl qalalyq sotynyń málimetinshe, qylmystyq is QR Qylmystyq kodeksiniń 115-baby «Qorqytý» boıynsha qaraldy.

Oqıǵa 20 qyrkúıek kúni saǵat 17.00 shamasynda boldy. Sh. esimdi sottalǵan mas kúıinde besinshi qabattaǵy páteriniń terezesinen jańa týǵan náresteni laqtyratyndyǵyn aıtyp qorqytqan. Oǵan birge turatyn áıelmen janjaldasýy sebep bolǵan. 

Oqıǵa ornyna polıtsııa, qutqarýshylar jetip, náresteni terezeden laqytarmyn dep qorqytqan Sh. qolǵa tústi.

Prokýror aıyptaýshy jaqty qoldap, Sh.-ny 120 saǵat qoǵamdyq jumysqa tartý jazasyn berýdi surady.

Sottalýshy kinásin moıyndap, istegen isine ókinish bildirdi. Sot muny esepke alǵanymen, qylmystyq teris qylyqty mas kúıde jasaǵandyǵyn aıypty aýyrlatatyn jaǵdaı dep eseptedi.
Petropavl qalalyq soty Sh.-ǵa QR QK 115-babynyń sanktsııasy boıynsha eń joǵarǵy jazany berdi. Er adam 120 saǵat qoǵamdyq jumysqa tartylady. Sondaı-aq odan zardap shekkender qoryna 5 AEK mólsherinde óndirilip alyndy.