Petropavlda bir otbasyn óltirgenderge qatysty is qaıta qaralmaq

<p>PETROPAVL. KAZINFORM &ndash; Petropavlda qazan aıynyń sońynda erli zaıypty men olardyń 17 jastaǵy ulyn óltirip ketken úsheýge qatysty sot úkimi shyqty. Kópshiliktiń pikirinshe, úsh adamnyń qanyn moınyna júktegen qylmyskerlerge kesilgen jaza tym jeńil.</p>

Áleýmettik jelide kisi qolynan qaıtys bolǵan erli-zaıypty Prıhodchenkolardyń qyzy Tatıananyń beınejazbasy tarady. Boıjetken qoǵamnan jáne quqyq qorǵaý organdarynan ádildik suraıdy. Ata-anasynan jáne týǵan baýyrynan aıyrylǵan Tatıananyń pikirinshe, birneshe saǵat qınap, aıaýsyz óltirgen qylmyskerlerge qoldanylǵan jaza tym jeńil. 
Esterińizge salaıyq, 2023 jyldyń 28 jeltoqsanynda jerleý rásimderimen aınalysatyn kásipker Vadım Prıhodchenko men áıeli ıÝlııa jáne olardyń kámeletke tolmaǵan balasy ıÝrııdiń deneleri óz úılerinde tabyldy. Kóp uzamaı kúdiktiler ustaldy. Sot otyrysy bir jylǵa jýyq ýaqytqa jalǵasty.

Bıyl 28 qazan kúni SQO qylmystyq ister jónindegi mamandandyrylǵan aýdanaralyq sotynda úsheýge qatysty úkim shyqty. Sot Sergeı Emelıanovty ómir boıyna bas bostandyǵynan aıyrdy. Danıl Orlovqa sot 21 jyl segiz aıǵa bas bostandyǵynan aıyrý jazasyn kesti. Al úshinshisi - Irına Skorobogatova úsh jylǵa bas bostandyǵynan aıyryldy.

SQO prokýratorasynyń óklderi búgin osy oqıǵaǵa qatysty pikir bildirdi.

«SQO prokýratýrasy Prıhodchenko otbasyn óltirý faktisi boıynsha kóptegen jarııalanymdar men túsiniktemelerge súıene otyryp, kináliler: «E»-ni ómir boıyna bas bostandyǵynan aıyrýǵa, «O»-ny 21 jyl 8 aı merzimge bas bostandyǵynan aıyrýǵa, «S»-ny 3 jylǵa bas bostandyǵynan aıyrýǵa sottalǵanyn habarlaıdy. «O» jáne «S»-ǵa qatysty jazanyń jeńil bolýyna oraı oblystyq prokýratýra bul úkimmen kelispedi. Osyǵan baılanysty 2024 jyldyń 12 qarashasynda oblystyq sotqa apellıatsııalyq shaǵym engizildi», - delingen habarlamada.

Buǵan deıin SQO-da aýdandyq bilim bóliminiń býhgalteri sottalǵanyn jazǵan edik.