Petropavlda jol erejesin buzǵan 200 astam jaıaý júrginshi jaýapqa tartyldy

<p>PETROPAVL.KAZINFORM &ndash; Petropavl qalasy Polıtsııa basqarmasynyń quramyndaǵy patrýldik polıtsııa batalonynyń qyzmetkerleri &laquo;Qaýipsiz jol&raquo; jedel-profılaktıkalyq is-sharasy sheńberinde jumysyn jalǵastyryp jatyr.&nbsp;</p>

El aýmaǵynda 5 aqpanda bastalǵan is-sharanyń basynan qalalyq patrýldik polıtseıler Jol júrisi qaǵıdalaryn buzǵan 695 adamdy ákimshilik jaýapkershilikke tartty, olardyń 219-y — jaıaý júrginshiler.

«Jaıaý júrginshilerdiń tarapynan bolatyn quqyq buzýshylyqtardan bólek, kólik ishindegi qaýipsizdik beldigin taqpaıtyndarǵa da erekshe kóńil bólinedi. Jedel-profılaktıkalyq is-sharanyń altynshy kúninde kámelet jasyna tolmaǵan jolaýshylarǵa arnalǵan arnaıy qurylǵylardy paıdalanbaǵany úshin 10 júrgizýshige qatysty QR Ákimshilik quqyq buzýshylyq týraly kodeksiniń 593-baby „Jol júrisi qaǵıdalarynda kózdelgen jolaýshylardy jáne júkterdi tasymaldaý, qaýipsizdik beldikterin paıdalaný jónindegi talaptardy saqtamaý“ boıynsha ákimshilik hattamalar toltyryldy» - deıdi Petropavl qalasy PB patrýldik polıtsııa batalony shtabynyń bastyǵy Oksana Popova. 

Eske sala keteıik, buǵan deıin 4 kúnniń ishinde oblysta 1282 túrli quqyq buzýshylyq anyqtalǵanyn habarlaǵan bolatynbyz. 

«Qaýipsiz jol» jedel-profılaktıkalyq is-sharasy 29 aqpanda aıaqtalady.