Petropavlda borannan keıin 100-ge jýyq kommýnaldyq tehnıka kóshege shyqty

PETROPAVL. QazAqparat – Petropavlda borannan keıin kóshelerdi qar basyp, 100-ge jýyq tehnıka qar tazalaýǵa shyqty, dep habarlaıdy QazAqparat tilshisi.

Petropavl qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi baspasóz qyzmetiniń málimetinshe, qysqy maýsymda Petropavl kóshelerin qalypty ustaý maqsatynda 14 kommýnaldyq kásiporynmen kelisim shart jasalǵan. Olar negizinen túngi saǵat 22.00-den bastap tańǵy saǵat 5-6-ǵa deıin jumys isteıdi. Al borandy kúnderi jumys kestesine ózgeris engizilip, olar kúndiz de kóshelerdi qardan tazartýǵa shyǵady. Qajet bolǵan jaǵdaıda qar kúrep, shyǵarýǵa 250-ge deıin kommýnaldyq tehnıkany jumyldyrýǵa múmkindikteri bar.

«Eki kúnnen beri Petropavlda boran. Osyǵan baılanysty kúndelikti qalany qardan tazalaýǵa 100-ge jaqyn tehnıka shyǵady. Bizde oblys ortalyǵy 10 aýmaqqa bólingen. Ár mekemeniń ózine bólingen kósheleri bar, olar sony tazartyp shyǵarady. Budan basqa kóshelerge qum men tuz sebý jumystary júrgiziledi», - deıdi Petropavl qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń baspasóz hatshysy Ásem Aıtýlova.

Jalpy qys bastalǵaly Petropavl kóshelerinen 35 myń tekshe metr qar syrtqa shyǵarylǵan.