Petropavlda bıyl jetim balalarǵa 120 páter beriledi
Petropavl qalasy ákimdiginiń málimetinshe, oblys ortalyǵynda sońǵy 3 jylda satylǵan 5 úıden «jetim balalar» sanatyna jatatyn turǵyndarǵa 108 páter berilgen. Jetim balalar men ata-ana qamqorlyǵynsyz qalǵan balalarǵa kommýnaldyq turǵyn úı qorynan nemese jeke turǵyn úı qorynan jergilikti atqarýshy organ jaldaǵan turǵyn úılerdiń jalpy sanynyń keminde 20 % bólinedi. Bıyl Petropavlda barlyǵy 600 páterli 6 úıdi satý josparlanǵan, ondaǵy 120 páter osy sanatqa beriledi.
Mamandardyń aıtýynsha, «Turǵyn úı qatynastary týraly» Zańnyń 74-babyna sáıkes turǵyndardyń birneshe sanaty memlekettik turǵyn úı qorynan úı alýǵa quqyly. Olar: Uly Otan soǵysynyń ardagerleri, jetim balalar jáne ata-anasynyń qamqorlyǵynsyz qalǵan balalar, «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, sondaı-aq buryn I jáne II dárejeli «Ana dańqy» ordenderimen marapattalǵan kóp balaly analar. Kóp balaly otbasylardyń birinshi kezekte páter alý quqyǵy bar. Tolyq aqparatty 8 7152 46-98-53 telefon nómiri arqyly alýǵa bolady.
Qazirgi ýaqytta Petropavlda 253 kópbalaly ana páter kezeginde tur. Al baspanaǵa muqtaj «jetim balalar» sanatyna jatatyn turǵyndardyń sany - 1774.