Petropavlda bıyl polıtseılerge baǵynbaýdyń 195 faktisi tirkeldi
Soltústik Qazaqstan oblysy polıtsııa departamenti baspasóz qyzmetiniń málimetinshe, polıtseıge baǵynbaý faktileriniń basym kópshiligi qoǵamdyq tártipti buzýshylardyń medıtsınalyq tekserýden ótýge qulyqsyzdyǵymen baılanysty. Máselen, tún ortasynda Petropavldaǵy Kırpıchnyı kóshesinde janjalqoı patrýldik kólikke otyrýdan bas tartty. Sol kúni tańerteń Astana kóshesinen kýálandyrý úshin jetkizilgen taǵy bir petropavldyq oblystyq narkologııalyq ortalyqtyń ǵımaratyna barýdan bas tartty. Quqyq buzýshylarǵa qatysty QR Ákimshilik quqyq buzýshylyq týraly Kodeksiniń 667-baby boıynsha hattamalar jasaldy. Baptyń sanktsııasy 30 AEK mólsherinde aıyppuldy, ne 15 táýlikke deıingi merzimge ákimshilik qamaqqa alýdy, quqyq buzýshylyq bir jyl ishinde qaıtalanǵan jaǵdaıda — 15-ten 20 táýlikke deıingi qamaýǵa alýdy qarastyrady.
«Jarty jyldyń ishinde oblys ortalyǵynda osyndaı 195 fakt tirkeldi. Sondaı-aq, medıtsınalyq kýálandyrýdan ótýden jaltarǵan júrgizýshiler úshin QR Ákimshilik quqyq buzýshylyq týraly kodekstiń 613-babynyń 4-bóligi barlyǵyna nazar aýdaramyz. Olar úshin jaza 15 táýlikke qamaýǵa alý jáne 8 jylǵa basqarý quqyǵynan aıyrý. 6 aı ishinde osy bap boıynsha 13 júrgizýshi jaýapkershilikke tartyldy. Qala turǵyndary men qonaqtaryn zańdy qatań saqtaýǵa shaqyramyz», - deıdi Petropavl qalalyq polıtsııa basqarmasy ákimshilik polıtsııa bóliminiń bastyǵy Rústem Tasbolatov.