Petropavlda besinshi qabattan qulaǵan áıel aman qaldy

<p>PETROPAVL. KAZINFORM — Petropavlda 56 jastaǵy áıel besinshi qabattyń terezesinen qulap ketken.</p>

Soltústik Qazaqstan oblystyq polıtsııa departamenti baspasóz qyzmetiniń málimetinshe, oqys oqıǵa búgin bolǵan.

Petropavl qalalyq polıtsııa basqarmasynyń «102» nómirine Novaıa kóshesindegi bes qabatty úılerdiń birinen áıeldiń qulap ketkeni týraly habar túsken. 

Jedel járdem brıgadasy qala turǵynyn medıtsınalyq mekemelerdiń birine jetkizdi. 

Áıel túrli dene jaraqatyn aldy.

Áıel polıtseılerge besinshi qabattaǵy terezeden ózim qulap kettim dep aıtqan.

Qazirgi ýaqytta osy derek tekserilip jatyr. 

Buǵan deıin para alyp ustalǵan astanalyq jedel járdemniń burynǵy basshysynyń endi 36 mln teńge aıyppul tóleıtinin aıtqan edik.