Petropavlda aýa raıyna baılanysty kommýnaldyq qyzmetter kúsheıtilgen jumys rejımine kóshti

<p>Aýa raıynyń nasharlap, qar aralas jańbyrdyń jaýýy jáne temperatýranyń tómendeýine baılanysty Petropavlda kommýnaldyq qyzmetter kúsheıtilgen jumys rejımine kóshti, dep habarlaıdy <a href="Kazinform" target="_blank" rel="noopener">Kazinform</a>.</p>

Petropavlda keshe keshqurym bastalǵan boran búgin qar aralas jańbyrǵa ulasty. Saldarynan kóshelerde kóktaıǵaq.

Petropavl qalalyq ákimdigi baspasóz qyzmetiniń málimetinshe, túnde kóshelerdi mehanıkalyq tazalaý jumystary júrgizildi. 

«Tańǵy saǵat 6:00-den bastap joldarǵa, jaıaý júrginshi joldaryna, aıaldamalarǵa qum-tuz qospasy sebildi. Ortalyq kóshelermen qatar qalanyń shetki kósheleri de qamtylady. Jumysqa 40 arnaıy tehnıka men 80-nen astam qyzmetker jumyldyryldy. Qajettilik týyndaǵan jaǵdaıda tehnıkanyń sany kóbeıtiledi», - deıdi Petropavl qalasy ákiminiń baspasóz hatshysy Ásem Aıtýlova.

Bıyl Petropavlda joldardy, jaıaý júrginshi joldaryn, aıaldamalardy kóktaıǵaqqa qarsy materıaldarmen óńdeý úshin 2200 kýb qum-tuz qospasy daıyndaldy.

Qysqy ýaqytta joldardy kútip ustaý ushin 160-tan astam arnaıy tehnıka jumyldyrylatyn bolady.

Aıta ketý qajet, qubylmaly aýa-raıy óńirde birneshe kún saqtalmaq.

«Qazgıdromet» RMK Soltústik Qazaqstan oblystyq fılıalynyń málimetinshe, búgin kúndiz Petropavlda 0, -1 gradýs aralyǵynda bolsa, túnde -3,-5 gradýsty kórsetpek. Erteń de qar, jańbyr jaýyp, kúndiz synap baǵanasy -2 gradýsqa deıin tómendeıdi. Al 1 qarashada kúndiz +3 gradýsqa deıin jylynady. Bul kún de jaýyn-shashyndy bolady degen boljam bar.