Petropavlda ata-ana 5 jasar qyzyn balabaqshadan áketýdi umytyp ketken
SQO polıtsııa departamenti baspasóz qyzmetiniń málimetinshe, Petropavlda ata-anasy 5 jasar qyzyn balabaqshadan ýaqytynda alyp ketpegen. Balany turǵylyqty jerine ákelgen tárbıeshi olardyń páteriniń esigi ashyq turǵanyn baıqap, polıtsııaǵa habarlaıdy. ıÝvenaldyq polıtseıler erli-zaıyptyny uıyqtap jatqan jerinen oıatty. Olar spırttik ishimdikke toıyp alyp, qyzdaryn balabaqshadan áketý kerektigin umytqan.
«Páterdiń ishindegi shashylǵan shólmekterden aıaq alyp júrgisiz. Medıtsınalyq kýálandyrý qyzdyń ata-anasy alkogoldik mas kúıde bolǵanyn kórsetti. Áıel buǵan deıin de ákimshilik jaýapkershilikke tartylǵan», - deıdi Petropavl qalalyq polıtsııa basqarmasy kámeletke tolmaǵandardyń isteri jónindegi ınspektor Dınara Muqanova.
Atalǵan derek boıynsha qyzdyń ákesi men anasyna qatysty Ákimshilik quqyq buzýshylyq týraly kodekstiń 127-baby (Kámeletke tolmaǵan balany tárbıeleý jáne oǵan bilim berý, quqyqtary men múddelerin qorǵaý jónindegi mindetterdi oryndamaý) boıynsha ákimshilik materıaldar jınaldy. Sondaı-aq, Petropavl ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi komıssııanyń qaraýyna materıaldar jiberiledi.
Jergilikti polıtsııa qyzmeti basqarmasynyń ıývenaldyq polıtsııasy esebinde qazir 242 turmysy tómen otbasy tur. Bıyl 26 soltústikqazaqstandyq ata-ana quqyǵynan aıyrylsa, 6-nyń ata-ana quqyǵy shekteldi. Ata-analyq mindetterin oryndamaý faktileri boıynsha 418 materıal jınaldy.