Petropavlda áriptesin abaısyzda atyp óltirgen áskerı qyzmetshi eki jylǵa sottaldy

<p>PETROPAVL. KAZINFORM &ndash; Petropavlda Ulttyq ulannyń 6637 áskerı bóliminiń &laquo;Búrkit&raquo; arnaıy maqsattaǵy bólimshesiniń áskerı qyzmetshisin abaısyzda atyp óltirgen aıyptalýshyǵa sot úkimi shyqty.</p>

Qylmystyq isti Aqmola garnızonynyń áskerı soty qarady. 

QR Áskerı soty baspasóz qyzmetiniń málimetinshe, QR Ulttyq ulanynyń «Búrkit» arnaıy maqsattaǵy bólimshesiniń E. esimdi áskerı qyzmetshisine qarýmen jumys isteý erejelerin buzý saldarynan abaısyzda adam ólimine ákep soqtyrǵan fakti boıynsha aıyp taǵyldy. 

Sottalýshy E. basqa áskerı qyzmetshilermen birge Ulttyq qaýipsizdik komıteti qyzmetkerlerine jedel-izdestirý is-sharalaryn júrgizýge kómektesý úshin mehanık-júrgizýshi, serjant Chýjıkov basqarǵan qyzmettik avtokólikpen kelgen.

Keıin alǵa qoıylǵan mindetterdi oryndaý úshin UQK ókilderin kútken kezde E. qyzmettik avtokóliktiń artqy jolaýshylar oryndyǵynda otyryp, abaısyzda, qarýdy qoldaný erejelerin elemeı, júrgizýshige kezdeısoq eki ret qarýdan oq atqan.

Saldarynan Chýjıkov aýyr jaraqat alyp, keıin aýrýhanada qaıtys boldy. 

Sot úkimimen áskerı qyzmetshi E. kináli dep tanylyp, oǵan 2 jylǵa bas bostandyǵynan aıyrý jazasy qoldanyldy. 

Sondaı-aq jábirlenýshi ókilderiniń paıdasyna 6 mln teńge moraldyq zııan ótemaqysy óndirildi.

Sot úkimi zańdy kúshine endi.

Esterińizge salaıyq, oqıǵa byltyr 12 qarasha kúni Petropavlda boldy. 6637 áskerı bólimniń kelisimshart boıynsha qyzmet etetin áskerı qyzmetshisi, serjant Chýjıkov áriptesiniń abaısyzda oq atýynan aýyr jaralanyp, qaıtys bolǵan edi.